Под Лупа - Општина Зрновци

Долг: 8,9 милиони денари. Од Влада на РМ ќе добие 7,5 милиони денари

Актуелен градоначалник со трет мандат од 2009: Блажо Станков – ВМРО ДПМНЕ

Општината е блокирана од 2008 година. Најголемиот дел од обврските се однесуваат на неплатена камата за задоцнето плаќање на главниот долг и дел од процесни трошоци кон ГП Гранит од Скопје. Долгот целосно е платен, но во 2008 општината е блокирана со извршно решение од 8,1 милион утужени обврски кон Гранит. Со текот на годините е плаќан дел од тие обврски, со што и износот се намалува, но не е целосно исплатен.

За илустрација, долгот во 2014 година е 9,1 милион денари, од кои 7,9 милиони се утужени обврски.

Дополнително, во септември 2017 година Општината зела кредит од Министерството за финасии во висина од 8,9 милиони денари за обезбедување европски грант за изградба на градинка, уредување на речно корито и изградба на две улици.

Долг по години:

• 2012 – 9,2 милиони денари
• 2013 – 11,9 милиони денари
• 2014 – 9,1 милиони денари
• 2015 – 8,7 милиони денари
• 2016 – 8,9 милиони денари
• 2017 – 8,1 милиони денари
• 2018 (30.06) – 8,9 милиони денари

Ова истражување е изготвено со помош на грант доделен преку проектот „Истражувачко новинарство за поттикнување реформи”, што го спроведуваат Центарот за граѓански комуникации, НВО Инфоцентар и БИРН Македонија. Содржината на публикацијата е единствена одговорност на здружението Медиа Плус, и на никаков начин не може да се смета дека ги одразува гледиштата на Европската Унија.