Под Лупа - Општина Сопиште

Долг заклучно со 30.06.2018: 42,3 милиони денари. Од Буџетот на РМ ќе добие 45 милиони денари

Актуелен градоначалник: Стефче Трковски – ВМРО ДПМНЕ, втор мандат

2009-2013 Јован Ѓорѓијоски – ВМРО ДПМНЕ

2012 година долг: 52 милиони денари / вратено 24,1 милиони денари.

Најголем долг кон Конти хридропласт – 22,9 милиони денари, кон ЕЛЕМ 10,7 милиони, следат ЕВН со 2,7 милиони, ЈП ЈСП – 1,1 милиони денари.

Во групата на приватни фирми на кои им должи е и Трансмет на Сеад Кочан со износ од 1,3 милиони. За привремени вработувања се издвоени 1,1 милион. Општината плаќала и по извршни решенија, кои се провлекуваат со години. Во 2012 година по извршни исплати се исплатени 6,6 милиони денари. За возила се потрошени 476.000 денари, а од планираното собирање на данок на имот, во општината е собрано само половина од планираниот износ. Атрактивното земјиште на Општината од продажбата донело приход од над 8 милиони денари.

2013 година долгот: 13,4 милиони денари, но вратени се 95,6 милиони денари, што е повеќе од половина од реализираниот буџет на општината.

• Во годините што следат, само се препишувале долговите кон одредени доверители. Меѓу нив и кон актуелниот градоначалник на Град Скопје, Петре Шилегов, кој како адвокат од Општината Сопиште чека да наплати 102.534 денари. Во 2017 и 2018 година се јавуваат две извршителки – 45,8 милиони е извршното решение на Снежана Фитеска, додека Катерина Кокина 2,4 милиони денари. Фитеска во 2018 се уште не ги наплатила сите пари, но дел успеала и го намалила износот на 33,6 милиони. Сопиште должи 32 милиони денари на Министерството за финансии, како подзаемодавач врз основа на кредитна линија . Според амортизациониот план полугодишните рати од два милиони денари почнуваат од февруари 2019 година. Со ЕЛЕМ е потпишан договор за плаќање на рати од по 100.000 денари,за долг од 5,8 милиони. Со ЕВН има спогодба за плаќање на долг до јуни 2019 година. Општината најмногу пари вратила во 2013 година,близу 96 милиони и во 2017 -81,7 милиони. Како растеле долговите, така се зголемувал и бројот на привремено вработените и од 2012 година, кога преку Агенција за времени вработувања имало тројца, во 2018 година тој број е 14. Во 2013 имало 7 вработени преку АПВ, во 2014 – 11, во 2016 и 2016 – 14, за во изборната 2017 година да падне на 11 и во 2018 – 14. Општината во 2013 година почнала да отплаќа главнина од кредит во износ од 3,3 милиони од Централниот буџет, што како обврска се исплаќа до 2015 година.

2014 година долг: 11,7 милиони денари. Вратено 26,7 милиони денари

• Општината должи кон: ЕЛЕМ – 9,8 милиони денари, додека останатите неколку поголеми доверители се без промена во салдото. Интересно е дека од продажба на земјиште, општината остварила приход од 10 милиони денари. За привремени вработувања се потрошени два милиони, а за извршни решенија нешто над еден милион.

2015 година долг од 16,2 милиони денари. Вратено 36,1 милиони денари

• Најголема обврска Општина Сопиште имала кон ЕЛЕМ – 8,7 милиони денари, додека должи и кон проектантски и градежни компании. Меѓу оние на кои должи е и МВР – 137.163 денари, износ што не е наплатен се’ до денеска, односно речиси четири години. Близу два милиони се извршни решенија, привремени вработувања од 2,7 милиони додека од продажба на земјиште од планираните 97 милиони биле остварени 8,5 милиони. Од планираниот буџет од 191 милион, биле реализирани 86,8 милиони денари.

2016 година долг: 29,9 милиони денари. Вратено 54 милиони денари

• Компанијата Еуроинг со 15,7 милиони е прв на листата со највисок износ во општината, следи ЕЛЕМ со 8,2 милиони. Во 2016 година прикажано е домашно задолжување од 24 милиони денари. Општината од продажба на земјиште успеала да оствари приход од 15 милиони денари.

2017 година: долг 57,4 милиони денари. Вратено 81,7 милиони денари

• Освен кон споменатите извршители Фитеска и Кокина, Општина Сопиште должи кон ЕВН – 1,4 милиони денари, Пелагонија АД со 1,5 милиони, ЈП ЈСП – 610.000 денари, а на оваа листа кон кој должи е и фирмата од случаите на Специјалното јавно обвинителство – ВАТО, со близу 400.000 денари. За приврмемени вработувања биле извоени 1,6 милиони денари.

2018 година долг: 42,3 милиони денари. Вратено 41,5 милиони денари.

• Состојата со доверителите без позначајна измена.

Ова истражување е изготвено со помош на грант доделен преку проектот „Истражувачко новинарство за поттикнување реформи”, што го спроведуваат Центарот за граѓански комуникации, НВО Инфоцентар и БИРН Македонија. Содржината на публикацијата е единствена одговорност на здружението Медиа Плус, и на никаков начин не може да се смета дека ги одразува гледиштата на Европската Унија.