Под Лупа - Општина Чашка

Долг заклучно 30.06.2018 година: 6 милиони денари. Од Буџетот на РМ ќе добие 7,5 милиони денари

Актуелен градоначалник: Горан Стојановски – СДСМ

2009-2017 Горан Пановски – ВМРО ДПМНЕ

Карактеристично за финанските извештаи за Општината Чашка се високите износи за привремени вработувања во одредени години и долгувањата на училиштата за струја и превоз на ученици. За илустрација, во 2016 година од општинскиот буџет биле издвоени 13,8 милиони за привремени вработувања, кога имало 44 вработени преку Агенција за врамени вработувања. Паралелно била отплаќана и главнина од кредит.

2012 година – долг 9,1 милион денари.

2013 година – долг 18,1 милион денари

• Училиштата должат 7,2 милиони денари за електрична енергија, потрошена вода и телефонски услуги. За училишен превоз – четири милиони, додека по извршни судски решенија биле исплатени 3,4 милиони. За отплата на главнина од кредит шест милиони денари, а за привремени вработувања 4,6 милиони денари.

2014 година – долг 12,1 милион денари

• Во завршната сметка за комуналните услуги на училиштата се издвоени 4,6 милиони, за правни услуги 1,3 милиони, за превоз на ученици 4,2 милиони,а за привремени вработувања 7 милиони денари.

2015 година – долг 5 милион денари

Потрошениот износ за приврмени вработувања пораснал на 10 милиони денари. 22 милиони се издвоени за улици, а за отплата на главнината 675.00 денари. До невладини организации биле трансферирани 2,8 милиони денари.

2016 година – долг 14,3 милион денари

• Еден милион денари биле исплатени за судски решенија, додека за отплата на главнината 675.000 денари. За камати на кредити - 109.000 денари. За привремени вработувања 13,8 милиони.

2017 година – долг 11,7 милион денари

• Комунални услуги, тековно одржување и разни трансфери се позначајни ставки во расходите во завршната сметка. За привремени вработувања 12,3 милиони, додека за отплата на главнина 1,6 милиони.

2018 година – долг 6 милион денари

• Кон кого должи, Општината Чашка не даде податоци, поради како што одговорија „заштита на личните податоци кон тие што должи општината“.

Ова истражување е изготвено со помош на грант доделен преку проектот „Истражувачко новинарство за поттикнување реформи”, што го спроведуваат Центарот за граѓански комуникации, НВО Инфоцентар и БИРН Македонија. Содржината на публикацијата е единствена одговорност на здружението Медиа Плус, и на никаков начин не може да се смета дека ги одразува гледиштата на Европската Унија.