Под Лупа - Општина Неготино

Долг заклучно 30.06.2018 година: 65,2 милиони денари. Од Буџетот на РМ ќе добие 71,7 милиони денари

Актуелен градоначалник: Тони Делков – СДСМ

2013-2017 Ванчо Апостолов – ВМРО ДПМНЕ

2009-2013 Пане Трајков - ВМРО ДПМНЕ

Со дури 12 медиуми, национални и локални, печатни и електронски, Општина Неготино имала деловни односи во 2018 година, а со повеќето и во текот на изминатите години. На дел им должи, но дел успеале да си ги наплатат услугите. Меѓу медиумите, чии фирми се на финансиските картички за 2018 година на Општина Неготино, се ТВ 24 Вести, Вечер прес, телевизијата од Кавадарци КТВ, потоа весникот Слободен печат, Коха, МТВ, Адриа медиа груп, ТВ Ка4, радио Кавадарци и радио Плус, а на листата на медиуми на кои должи е и фирмата на Срѓан Керим во стечај, Медија принт Македонија. Значајни износи за медиуми биле плаќани од блокираната и задолжена општина. Општината е предводена од градоначалник од СДСМ, партијата, која во опозиција силно се бореше против владините реклами и рекламирањето на власта во медимите.

Околу и над 30 милиони годишно е долгот на Неготино во изминатите шест години. Највисок износ долгот достигнал во изборната 2017 година, кога новиот граданачалник својот мандат го почнува со долг од 81,6 милиони. Општината се задолжила кај јавното претпријатие Комуналец, на кое е основач и од 2012 година, кога долгот изнесувал 2,5 милиони денари, до 2017 година долгот пораснал на 17 милиони денари. Општината годишно склучувала по неколку договори со компании за обезбедување, меѓу кои и СГС.

Бројот на вработувања преку агенција за привремени вработувања, растеле како што растел и долгот. Во 2013 година имало 9 времени вработувања, за во 2018 година, тој број да порасне на 25.

2012 година – долг 30,5 милион денари.Вратени обврски 64 милиони денари.

• Општината должи 11 милиони денари кон ГП Гранит од Скопје, 5 милиони кон компанијата Стоименов ДООЕЛ, кон ЕВН 1,8 милиони и 2,5 милиони кон ЈП Комуналец.

2013 година – долг 33,7 милион денари. Вратени обврски 66,7 милиони денари.

• Шест милиони денари и дополнителни еден милион за вода, Неготино должи на ЈП Комуналец, 2,9 милиони на Стојменов ДООЕЛ, долг од 3,1 милион денари на Урбан инвест,2,5 милиони на Водостопанство – Тиквеш, 1,5 милиони кон ЕВН. Ова се само дел од подолгиот лист на компании и лица на кои општината им должи.

2014 година – долг 36 милион денари. Вратени обврски 82,5 милиони денари.

• Долгот кон ЈП Комуналец расте и е со износ од 10 милиони денари, 4,6 милиони кон фабриката Слобода, по 1,5 милиони денари кон Водостопанство Тиквеш, Урбан инвест и Пер инжинеринг. Меѓу компаниите на кои должи Неготино е и телевизијата К4 – 764.000 денари и ЗЕЛС – близу 500.000 денари.

2015 година – долг 45,6 милиони денари. Вратени обврски 51,3 милиони денари.

• 14,7 милиони денари долг кон ЈП КОмуналец, 4 милиони кон Уникоп градба, 5,3 кон фабрика Слобода, кон ЕВН – 2,7 милиони, Гранит – Скопје, 2,7 милиони, Секјуриком 914.000 денари, кон ЗЕЛС долгот е 644.000 денари, а кон ТВ Ка4 – 473.000 денари.

2016 година – долг 40,5 милион денари. Вратени обврски 123,6 милиони денари.

• 13,6 милиони денари кон ЈП Комуналец, 5,7 милиони кон Уникоп градба,Хидро градежен инженеринг – 2,4 милиони денари, кон ЕВН – 2 милиони. Општина Неготино останала должна кон телевизијата КТВ – над 386.000 денари и кон К1 ТВ од Велес 340.000 денари.

2017 година – долг 81,6 милион денари. Вратени обврски 83,6 милиони денари.

Долгот кон ЈП Комуналец достигнува 17 милиони денари, кон ЕВН 2,6 милиони и дополнителни 686.000 денари со спогодба. 7,8 милиони кон ИМГД, 7 милиони кон ГТД изградба, 5,4 милиони кон Павер трејд и 5,1 милиони кон Ешма шпед. На компаниите на кои должи општината се и медиските: МПМ – 94.000, КТВ – 404.000, К1 ТВ – 347.000 и Ка4 ТВ – 388.000 денари.

2018 година – долг 65,2 милион денари. Вратени обврски 35,2 милиони денари.

• На листата на компании на кои должи, освен медиуми се и компании за осигурување, градежни и проектантски фирми, агенција за привремени вработувања и други.

Ова истражување е изготвено со помош на грант доделен преку проектот „Истражувачко новинарство за поттикнување реформи”, што го спроведуваат Центарот за граѓански комуникации, НВО Инфоцентар и БИРН Македонија. Содржината на публикацијата е единствена одговорност на здружението Медиа Плус, и на никаков начин не може да се смета дека ги одразува гледиштата на Европската Унија.