Извештај за 2023 година
Мисија
Медиа плус е здружение кое истражува, анализира и иницира, со што влијае врз демократијата и медиумската заедница.
Здружение на ГРАЃАНИ „МЕДИА ПЛУС“ –ШТИП
Основано на 29.12.2006 год.
Адреса : ул.25 мај бр. 18 во Штип
Тел/факс : 032/397 707 лок.208
e-mail: [email protected]
URL: www.mediaplus.org.mk
Наша цел е зајакнување на граѓанското општество и преку медиумската заедница да се влијае на општествените текови и општествена одговорност. Ние ги насочуваме медиумите да ја извршуваат својата јавна функција, независно од нивната сопственост. Ние организираме промотивни настани и активности, ги доближуваме граѓаните до медиумскиот свет, постигнуваме интерактивност и комуникација на сите делови во општеството.
Сметаме дека иднината на демократското општество во Македонија е во заеднички дијалог со сите фактори во општествениот живот. Работиме на промена на свеста на граѓаните за нивно влијание со цел подобар општествен живот на локално, регионално и национално ниво.
МЕДИА ПЛУС во контекст на својата работа се појавува како иницијатор и координатор на голем број предвидени активности засновани на неговата улога. Преку користењето на своите човечки, инфраструктурни и технички ресурси се спроведуваат активности со едукативна, промотивна и самоиницијативна содржина.
Главната активност на Медиа Плус е работа на проекти, преку кои ги остварува своите цели и одржливост.
Формата на застапување и лобирање во име на своите конституенти е преку учество во неколку работни групи за донесување и измени на законски решенија, дебати, јавни расправи, фокус групи и конференции.
Реализирани проекти во 2023
„Безбедноста е нашето мото„
02.10.2023-30.09.2024
Темата сигурни и безбедни училишта со зголемена свест за меѓуврсничко насилство „Медиа плус“ ја работеше преку серија проектни активности. Овие активности започнаа со панел дискусија, која едно место ги собра локалните функционери на високо ниво, како што се градоначалниците, претставниците на полицијата, универзитетските професори, релевантните актери на граѓанското општество и медиумите од Штип, Кочани и Свети Николе.
Настанот се фокусираше на односот на заедницата, безбедност во училиштата и помеѓу инволвираните страни, институциите, граѓаните и учениците. Посебно внимание беше на меѓуврсничкото насилство внатре и надвор од училиштата, неговото присуство на социјалните медиуми и начините како да се спротивставиме.
Реализирани се три средби, по една во секој од градовите, каде се разгледуваше предлог Протоколот за безбедни училишта, што се наметнува и како обврска на училиштата од Законите за основно и за средно образование.
Значаен дел од активностите се насочени кон едукацијата на учениците. Беа обучени врснички едукатори, кои потоа ќе работат со своите соученици – млади луѓе кои добија обука како превенција против меѓуврсничкото насилство и како да го спречат, препознаат и да се борат против него.
Реализираа е и јавна кампања, како и анализа за отпорноста на училиштата по случаите со заканите за поставени бомби и случувањата во соседна Србија, кога ученик влезе со оружје во училиште и уби свои соученици и наставници.
Овие активности се дел од проектот „Безбедноста е нашето мото“ на ЗГ „Медиа плус“, што е поддржан од Амбасадата на САД, а се спроведуваше во период од една година.
“Сигурни во виртуелниот свет”
Кралство Норвешка-Смарт Балкан преку ЦИКП
01.05-2023-30.04.2024
Целта на проектот е подигнување на свесноста кај младите од Штип и на останатите консументи на информации од социјални медиуми, од потребата на безбедно користење на интернетот, заштитата на приватноста и зголемување на сензитивноста на дезинформации и спинувани инфорамции.
Делегација на Европска Унија – „ Граѓански Ресурсен Центар„
01.02.2023-31.12.2026
Медиа плус – Штип – Граѓански ресурсен центар во Штип повторно ја отвори канцеларијата и во наредните 4 години овој центар ќе обезбеди иновативен и инспиративен простор за големите и мали локални граѓански организации (ГО) и активисти, и пружа поддршка и лесен пристап до ресурсите потребни за нормално функционирање на ГО. Целта на проектот е да се помогне во зајакнувањето на ГО, кои се независен фактор во обликувањето на општествениот живот и демократијата во земјата, како и за создавање овозможувачка околина која ќе го поддржи развојот на граѓанскиот сектор.
Со програмата функционира три ресурсни центри – во Скопје, Гостивар и Штип, како и Граѓанскиот ресурсен центар е дел од програмата Национален ресурсен центар за граѓанските организации, спроведуван од Македонскиот центар за меѓународна соработка во партнерство со Медиа Плус од Штип и Асоцијација за демократски иницијативи од Гостивар, а е поддржан од Европската Унија.
ФИНАНСИСКИ ИЗВЕШТАЈ МЕДИА ПЛУС 2023
БИЛАНС НА ПРИХОДИ И РАСХОДИ
| БИЛАНС НА ПРИХОДИ И РАСХОДИ | 2023 |
| ВКУПНО ПРИХОДИ | 2.192.487,00 |
| ВКУПНО РАСХОДИ: | 1.441.789,00 |
