И официјално потврдено – Одземени пет концесии за минерални суровини во село Лабуништа

Лабуништа, за да се заштити здравјето на жителите и животната средина, соопшти денеска министерот за економија, Крешник Бектеши.

Концесиите, како што рече на прес-конференција пред Министерството, еднострано се раскинати, а сите концесионери имаат право во рок од 60 дена да достават барања до Министетството за други локации од истиот вид минерална суровина, но претходно ќе мора да се обезбедат и мислења од надлежните институции, вклучувајќи го и Министерството за животна средина.

– Со ова се рализира уште едно ветување кое го дадовме на жителите на Лабуништа за раскинување на концесиите. За време на вонредната сотојба тие продолжија да доставуваат барања за одземање на концесиите, укажувајќи дека настанатата прашина при минирање, сепарирање и транспорт на минерални суровини значително им го нарушува здравјето, рече Бектеши.

ЗГ „Медиа плус“ преку новинарска приказна алармираше на проблемот на жителите на Лабуништа, кои и низ протести реагираа дека активноста на бројните каменоломи се одразува врз здравјето на луѓето, а нанесува штета и на домовите. И пред официјалното објавување на одлуката за раскунивање на концесиите, жителите на Лабуништа имаа неофицијална информација дека се раскинати договорите. Првите ракции беа дека конечно победило здравјето над профитот, а еден од водачите на протестите напиша: „Му дојде крајот на каменот“.