Здружението на граѓани МЕДИА ПЛУС од Штип е доброволно, непрофитно, невладино, непартиско здружение на граѓани, формирано со слободно здружување на граѓаните заради остварување, заштита и усогласување на своите интереси и уверувања за унапредување на граѓанското општество и локалните заедници, како и заради вршење на дејности и активности за поттикнување на моралните вредности, зајакнување на меѓуетничките односи и економкси развој во на територијата на Македонија и пошироко.
Да се изградат нови улици и тротоари кои ќе бидат приспособени и за лицата со попречености, да се создадат услови за студентско организирање, да се реши прашањето со бездомните животни, како и да се подобри заштитата на децата од социјално загрозените семејства – ова се барањата кои штипјани денеска ги адресираа до локалната власт.
Граѓани, новинари и експерти в петок ќе дебатираат со надлежните од Општина Штип за прашањата кои приоритетно треба да бидат решени.
Идеите и ставовите за ова, ќе бидат искажани на претстојниот постизборен форум насловен „Граѓанските приоритети во 100-те дена на новата локална власт“. Настанот кој го организира Здружението на граѓани „Медиа плус“ ќе се одржи на 9-ти февруари со почеток од 14:00 часот во Мултимедијалниот центар Канал 77 (Конгресна сала).
Ниско ниво на сообраќајна култура, тесни и неосветлени улици, несоодветни паркинг места за кои им се наплаќа на возачите – ова се дел од критиките кои штипјани денеска ги упатија на адреса на локалната власт, во рамките на јавната расправа што ја организираше Здружението „Медиа плус“. Од Општината децидни – на решавање на овие прашања допрва ќе се трошат пари и енергија.
Страница 1 од 8
