Еразмус+ едукација за млади во Мултимедијален центар на Канал 77

Мултимедијалниот центар на Канал 77 денеска беше домаќин на еден од циклусот настани, каде младите се едуцираат како можат да се вклучат во Европската интеграција.  Настанот е поврзан за Европските едукативни програми, поточно за Еразмус+ програмата.

  • „ Проектот е насочен кон младите од Источна и Југоисточна Македонија, таргетирани се како региони каде е забележано најголемо иселување на младите. Со овој проект сакаме да ги активираме младите да си ги изразат своите потреби“, вели Сашо Петровски – од Холандската федерација за невладина организација СиЕмВиПи, кои свое седиште во Македонија има дванаесет години.
  • „Сите информации од инфо деновите како што е овој во Штип ги објавуваме на нашата веб и „Фејсбук“ страница“, додаде Александар Богоевски – претставник од Националната агенција за Европски образовни програми и мобилност.
  • „ Целта на програмата е размена на млади од било кои земји кои се или не се членки на ЕУ по разни теми “, рече Васко Хаџиевски – проектен асистент на проектот „Младите од руралните средини за интеграција на Македонија во ЕУ “.

Оние кои биле дел од ваква програма ги споделија искуствата.

  • „ Бев дел од проект во кој учествуваа осум држави. Се запознав со многу луѓе и научив повеќе за е – учење и користење на модул платформата за младински работници“, ни откри Драгана Митровиќ – Младински клуб, Штип.
  • „ Цел семестар поминав на Универзитетот во Марибор, Словенија на музичка академија. Имам само позитивни искуства … “ раскажа Петар Трбојевиќ – корисник на Еразмус+ програмата.